جبت لكم قرقيعان ... تفضلوا

السلام عليكم
كيف حالكم يابنات وشباب عائلتنا
مبروك عليكم نص رمضااااان
ومبروك عليكم مولد الامام الحسن عليه السلام
أولا: ابي اقولكم ان الموضوع بصراحه احترت وين احطه
وبما اني بحط صور قررت أرزه في هالقسم الحلو
وانا من رأيي انو كلنا نتشارك وضع الصور اللي تخص اليوم اللي راح اتكلم عنه

ثانيا : حبيت اقدم لكم بهالمناسبه الحلووووه قرقيعان
اليوم جلست اجهز قرقيعان عيال اختي
ولما خلصت اخذت صورة للحلويات والريالات عشان اوصلهم للاعضاء الغاليين

بس قبل لااعطيكم القرقيعان بعطيكم فكرة بسيطه عن القرقيعان ومعنى هالكلمه يمكن البعض يجهلها
بس اكيد الغالبيه يعرف معناها وانا احب اذكركم ليس الا

قرقيعان او القرونقعووه << مثل ماينطقوها اهل البحرين
احتفال يحتفلووون فييييه تقريبا كل الخليجيين وفي السعوديه اتوقع بس اهل الشرقيه واحنا
هالكلمه جت من معنى قرقعه الباب <<< المعنى العام والمعروف عند كل الناس اللي تحتفتل بهاليوم المبارك
والمعنى الخاص اللي يخصنا احنا الشيعه وهو (قرة عين النبي) بأول حفيد له وهو الامام الحسن عليه السلام

هاليوم يوم حلو كثير للكبار والصغار والاجمل فيه لما نشووف الاطفال كلهم لابسين ملابس تراثيه ويتفنووون الاهالي بتلبيس عيالهم
ولا بس باللبس لاا يتفنوون بتوزيع الحلويات والشوكلاتات
يعني قبل كانوا يوزعون حب خخخخ وبعدها اطورو شوي صاروا يوزعون شيبس
اما حاليا لااا صاررو يشترون علب رووعه يحطون فيها اجمل الحلويات

صورة ولد اختي فديت قلبه قبل سنتين



وهذي بعض الاهازيج اللي يقولونها عيالنا خفيفه ع القلب وحلوووه

قرقع قرقع قرقيعان عطونا الله يعطيكم بيت مكه يوديكم
يوديكم لاهاليكم عن المطر والرعد

ااما في المناطق الثانيه اهازيجهم طويله وبحثت بقوقل ولقيت لكم هالانشودة الحلووه


سلم ولدهم يا الله
وخله لأمه يا الله
اييب المكده يا الله
ويحطها في جم امه
يا شفيع لأمه

قرقاعون عاده عليكم يالصيام مابين قصير ورمضان
قرقع قريقعان .....عطونا الله يعطيكم
بيت مكة يوديكم ....يا مكة يا معمورة ياأم السلاسل والذهب
عطونا من مال الله ....يسلم لكم عبد الله
عطونا دحبة ميزان ....يسلم لكم عزيزان
يا بنية يا لحبابة ... ابوكي مشرع بابه
باب الكرم ما صكه ...ولا حط له بوابة ...
قرقيعان وقرقيعان بين اقصير ورمضان
عادت عليكم صيام كل سنة وكل عام
يالله تخلي ولدهم يالله خلي لأمه يالله
عسى البقعة ماتخمه ولا توازي على امه

عاااد البيت اللي مايعطووون شي يااااويلهم ياسواد ليلهم ههههههههه

راسكم راس ............. <<< كلماات مشفره احتراما للاعضاء هههههههههه


اكيد الحين انتو تنتظرون قرقيعانكم
وهذي الصورة لعيووون احلى منتدى واحلى اهل بالعالم



اتمنى من الجميع المشاركة بوضع اي صورة تخص القرقيعان
وانا ان شاء الله الليله بضيف صور احلى لما اشوف تفاعلكم مع الموضوع

بنتكم واختكم
سيدة الكلمة

قرقيعان الله يسلم و لدكم ولدكم الحباب وبيدا يرقع الباب

كل عام وانتم بخير
ومبرك عليكم مولدالامام الحسن
تحياتي

المحبه لله

كل عام واانتم بالف خير مبروك عليكم المولد الشريف




اعا ده الله عليكم كل سنه بصحه وعافيه

لااتنسوذكرالله