لو خيروك تختار شريكة لحياتك وش تختار

الو يخيروك ان تختآر شريكه لحيآتك ؟

السعوديه ..؟

ولا من بنآت براااااااا ؟؟ "حقآت تؤبر البي " ؟

السلام عليكم ورحمة الله وبركاته

كيف حالكم يا اخوان بصراحه وبخش دغررري يعني

الى متى هذي الهمجيه والخضوع للغير ؟؟؟

يعني الى متى تسبون بعض

مسوي فيها كشخه

اذا سبيت بنت بلدك ؟؟؟

وقلت عنها " وع شينه ام ركب سووود .. اخلاقها زفت ،

ام كرشه ؟؟ العبده السوداء ؟ الي ماتعرف تلبس ؟ خلاقين ؟

ماتعرف تقول كلام زين ؟؟

===========

طيب طيب ليش ماتقول كلام زين

اولا : لانها ماتسمع هالكلام !!!

انت مصيرك تكون ابو وهالبنت ايضا لها ابو طبعا او خال او عم او اخو

عمركم سمعتو خواتكم كلام حلووو ؟؟ علمتوها كيف تسولف بنعومه ؟

كيف تقول كلام حلوو ؟ ولا علمتوها بس اطبخي وانفخي واغسلي الملابس واكرفي

وربي الوراعيـن ..ولاتطلعين ولاتلبسين بناطيل ولاتلبسين قصير

واذا قالت ودوني الصيدليه بشتري لوشن للجسم !

قلتو اقول انثبري ياشين السرج على البقر بس قال لوشن قال !!

واذا قالت بروح للكوافير بزين شعري ؟ ابي اصبغ ابي اقص !

ابي ازين بشرتي بسوي لها تقشير بشره ، بسوي حمام مغربي ..

قلتو ماحنا فاضين ندفع انتي عروس يوم تتكشخين لمنهو تتكشخين !!

=================

يعني العيب من مين اصلآ ؟؟؟؟؟؟؟!

واذا ماشاءالله قالت ابي شامبو جبتو لها صانصلك

ابي زيت جبتو زيت دابر ..

ابي لوشن للبشره .. تجيبون جليسرين ولا فازلين !!!

وتقولوووووووون ليش ركبهم سود ..

،،

===

ليش لهم كروووش !

اولا الثلآجه مليانه : دجاج + لحم + انواع الخضروات الخاصه بالمرق او الايدام

ورز ابو كاس وابو بنت .. الخ انواع الرز

واذا جا يوم وخلت العشاء فطآير ولا سندوتشات قلتو امحق حرمه ماتعرف تطبخ

هذا اكل ينوووكل ؟؟

ولا اذا سوت حلا او كيك قلتو هالحين وش لزوم الحلا

والكيك بس تبين تصرفين ومانتي عارفه كيف ؟؟!!

====

واذا قدمت لك بدال الشاهي والقهوه عصير رميت عليها الطلاق

قلت هذي تهيننـي شايفتني ورع قدامك تعطيني عصير ؟؟

=====

نرجع لسالفة الوزن الزائد

اولا ماتعطونها حقها بانها تمشي واذا مشت هي فاضيه تمشي ولا فاضيه تربي ورعانكم

ولا فاضيه توجب ضيوفك وتطبخ ولا فاضيه تغسل ملابسك ؟؟

ولا فاضيه ترتب البيت ولا فاضيه تزور اهلك العصر ؟

ولا بنت ابو جد خالك جايبتن ورع جديد وغاصبها تروح توجبهـا ..

----

واذا طلبت الة مشي او اله رياضيه قلت بلا خرابيط ومصاريف على الفاضي

===========================

يعني لاتقارنها بسوريه ولا لبنانيه

هذولا الحريم يروحون بانفسهم يسووون مساج وتقشير ووو الخ ..

السوريه او اللبنانيه او غيرهم

لهم الحريه بالمشي .. اهم طبعهم كذا مايعرفون قهوه وشاهي

ماعندهم لحم !! ولادجاج ولا رز الا بالشهر مره ..

يمترون لك الشوارع متر متر شي طبيعي بينحفوون

فطور + غداء + عشاء .. وحتى لو عندهم معازيم

جبنه + زعتر + زيتون + شاهي +حبه برتقاله وحبه تفاحه

........................

والله اصحو من الغفله الى متى تهينون بنات بلدكم !

الحين الحمدلله الوضع تطور صارو يروحون مشاغل غصب عن خشم الي مايرضى

صارو يلبسون احسن لبس لكن محتشمـات ..

صارو يهتمون بالرياضه والجسم قبل كل شيء

وفوق هذا كله ..

يقومون بواجبكم على اكمل وجه

يربون اطفالهم .. احسن تربيه

تربية على الدين والاخلاق والعادات والتقاليد

ماحد صاين العشره الا بنات بلدكم

ولا غيرها تقولك تؤبرني ابن عمي

وانت طآير معاها مانت مصدق
ولكن هي بقلبهـا تردد : وتؤبرني مصاريك !!

اول مايجيك شبح الفقر ولا اي مصيبه

اقرب طياره وتاركتك تضرب كف بكف

والكلام الرومنسي وغيره يتعلمونه من الصغر

العلم بالصغر كالنقش على الحجر

يعني جايتك على الجاهز .. هذي وظيفتهم بس !

كلام رومنسي واشياء محدوده ماتتعدى غرفة النــــــــــوم

لكن لو طحت مريض تفلت بنص وجهــك

وقالت انئلـع لبــرى لك يعدمنيــاك شو غليـظ ومابتنبلع

انا لشو متحملتك مو منشان مصاريـك يبعت لك حمى !

هالحين طلعت لك على حقيقتهـأ ..

======

وش فيها بنت بلدك ؟ تعرف وش يوجعك وش يونسك

بنت ناس متربيه وعارفه الاصول مصليـه مسميه

وعين الله تحرسهآ

تعرف عاداتك وتقاليدك ..

وبيتك .. في عيونهآ

ماهمها " فلوسك " كثر ماتهمها انت

ولاتنسى ترى السعوديه :

هي امك واختك وعمتك وزوجتك وبنتك وخالتك

وهي الي ربت اجيآل .. وانتجت رجآل

يرفعون رآسك وراس بلدهم

لكن لمين نقول لمين نفهـم ؟؟

غيرو هذي النظـــره والكلام نفسه للبنــــات ..

===================

ملاحظه : ما اشمل بنات برا كلهم .. لكن الاغلب

والشيء معروف

واتمنى ماحد يزعل مني لكن كلمة حق وتنقآل

ولدخالي المصيبه في حريم برضو يعملو مثل الرجال ويقولو مثل ما تقول انت ابناني

انا اقول الخطه من الجانبين لا الرجال يعرف اقول كلام حلو للمرئه ولا الحرمه تعرف اتقول

كلام حلو لرجال والله ان حريمنا احلي من الف شاميه وبنانيه وكذالك الرجال يكفي

الحشمه ولادب ولاخلاق وفي عندنا رجال وحريم يتكلمون افضل منهم

ولدخالي كلامك صحيح المفروض انربي اولادنا وبناتنا على فن التعامل

الله يسعدك على هذا الموضوع جبرتني اقراه من اوله الى اخره

لاتنسى ذكرالله

تحيااتي ياخال
يقول :المثلحلاوة الثوب رقعته منة وفيه
وهذا المثل ليس بالضرورةان تكون بنت عمك المهم أن تكون من المنطقة التي تعيش فيها
والباقي على حسب النصيب أما الكلام الغيرلائق مع الزوجة او البنت بصفة عامة أنا ضدة وبكل قوة

تحيااتي أخو الجميع

أبن الخال ابو يوسف والخال ابو فاضل لكم الشكر والتقدير على مروركم وتعليقكم الرائع