الساعة 9 ونص ليلة خميس
كالعادة نجلس في أحد المجالس ويا الشباب
جلست و ماكنت حاط في بالي أن هالجلسه راح تصير فيها مشادات و زعل على موضوع ما يودي ولا يجيب
موضوع النقاش الشعر الفصيح و النبطي
واحد يقول الشعر الفصيح هو الشعر و النبطي كلام الأغبياء
و الثاني يقول أن عصرنا الآن عصر النبطي و إذا بتقول فصيح ماحد حالك
الأول يقول النبطي شعر الضعفاء
الثاني يقول الفصيح شعر اللي مسويين روحهم أبضاي و يتفلسفو على قلة سنع
الأول يقول و الثاني يقول
الربع زعلوا و خلاني حكم
يالله النشبه
قلت لهم ثنينكم صح ,,,
ثنينهم سباني و قالو عني أن ماعندي سالفه
ــــــــــــــــــــــــــــــــ
طبعاً الفصيح له جمهورة و النبطي كذلك
ولو أني شخصياً أميل للفصيح
لكن التهجم على الأذواق مرفوض ثم مرفوض ثم مرفوض